FasTAG KYCમાં છેલ્લી ઘડીએ રાહત, અપડેટ માટેની સમયમર્યાદામાં વધારો

31 જાન્યુઆરી ફાસ્ટેગનું કેવાયસી પૂર્ણ કરવાની છેલ્લી તારીખ હતી. જો કે, લોકોને રાહત આપતા સરકારે KYC પૂર્ણ કરવાની સમયમર્યાદા એક મહિના સુધી લંબાવી છે. હવે તમે 29 ફેબ્રુઆરી 2024 સુધી ફાસ્ટેગનું કેવાયસી પૂર્ણ કરી શકો છો.

• ફાસ્ટેગ કેવાયસીની છેલ્લી તારીખ લંબાવવામાં આવી
• KYC પૂર્ણ કરવાની સમયમર્યાદા એક મહિના સુધી લંબાવી
• 29 ફેબ્રુઆરી 2024 સુધી ફાસ્ટેગનું કેવાયસી પૂર્ણ શકાશે

જો તમે હજુ સુધી FasTAGનું KYC પૂર્ણ કર્યું નથી, તો ચિંતા કરવાની જરૂર નથી. ભારત સરકારે તેની સમયમર્યાદા એક મહિનો લંબાવી છે. ફાસ્ટેગનું કેવાયસી પૂર્ણ કરવા માટે તમને વધુ એક મહિનાનો સમય મળશે. તમને જણાવી દઈએ કે KYC પૂર્ણ કરવાની છેલ્લી તારીખ 31 જાન્યુઆરી 2024 હતી. હવે તમે 29 ફેબ્રુઆરી સુધી ફાસ્ટેગનું કેવાયસી પૂર્ણ કરી શકો છો. હાઇવે અથવા એક્સપ્રેસ વે પર મુસાફરી કરવા માટે ફાસ્ટેગ જરૂરી છે. તમારા વાહન પર ફાસ્ટેગ સ્ટીકર લગાવવામાં આવે છે, જેના કારણે ટોલ ટેક્સની રકમ આપોઆપ કપાઈ જાય છે. ફાસ્ટેગને રિચાર્જ કરવું પડશે, ટોલ બૂથ પરનું મશીન સ્ટીકરને સ્કેન કરે છે અને ચાર્જ કાપી લે છે. એજન્સી અનુસાર, ફાસ્ટેગનું કેવાયસી પૂર્ણ કરવા માટે વધુ એક મહિનાનો સમય આપવામાં આવશે.

FasTAG બંધ નહીં થાય

સરકારે અગાઉ કેવાયસી પૂર્ણ કરવા માટે 31 જાન્યુઆરીની મધ્યરાત્રિ 12 સુધીનો સમય આપ્યો હતો. જો તમે હજુ સુધી ફાસ્ટેગનું કેવાયસી પૂર્ણ કર્યું નથી, તો અમે તમને પદ્ધતિ જણાવી રહ્યા છીએ. KYC પૂર્ણ કર્યા પછી તમારા ફાસ્ટેગને બ્લેકલિસ્ટ કરવામાં આવશે નહીં અથવા ડિ-એક્ટિવેટ કરવામાં આવશે નહીં. તમે ફાસ્ટેગના કેવાયસીને બે રીતે અપડેટ કરી શકો છો - ઑફલાઇન અને ઑનલાઇન.

ફાસ્ટેગ કેવાયસી ઓનલાઈન કેવી રીતે કરવું

FasTAG નું ઓનલાઈન KYC કરવું એકદમ સરળ છે. આ માટે તમારે Fastagની ઓફિશિયલ વેબસાઈટ (fastag.ihmcl.com) પર જવું પડશે. અહીં લોગિન કરો અને My Profile પર જઈને KYC અપડેટ પ્રક્રિયા પૂર્ણ કરો. આ માટે આઈડી અને એડ્રેસ પ્રૂફની જરૂર પડી શકે છે. તમે જે બેંકમાંથી ફાસ્ટેગ લીધું છે તેની ફાસ્ટેગ વેબસાઈટ પર જઈને પણ તમે KYC અપડેટ કરી શકો છો.