.png)
વલસાડ જિલ્લામાં મેઘરાજાએ તોફાની બેટિંગ કરતા માત્ર બે કલાકના ટૂંકા ગાળામાં 6.10 ઇંચ જેટલો અતિશય વરસાદ ખાબક્યો છે, જેને કારણે વલસાડ શહેર સહિતના નીચાણવાળા વિસ્તારો સંપૂર્ણપણે પાણીમાં ગરકાવ થઈ ગયા છે અને સામાન્ય જનજીવન ભારે પ્રભાવિત થયું છે.
કટોકટીની આ સ્થિતિને ધ્યાનમાં રાખીને જિલ્લા કલેક્ટર નીતિન સાંગવાને તાકીદના પગલાં ભરી વલસાડ, કપરાડા અને ધરમપુર તાલુકાની તમામ શાળાઓમાં શૈક્ષણિક કાર્ય બંધ રાખી રજા જાહેર કરવાના આદેશ આપ્યા છે. ધોધમાર વરસાદને કારણે માર્ગો પર નદીઓ વહેતી થઈ ગઈ છે, જેના લીધે વાહનવ્યવહાર ખોરવાયો છે અને વહીવટી તંત્ર તેમજ ફાયર બ્રિગેડની ટીમો બચાવ અને રાહત કામગીરી માટે ઘટનાસ્થળે તૈનાત કરી દેવામાં આવી છે.
.png)
