ગુજરાતમાં આજે ત્રીજા તબક્કાના મતદાનમાં તમામ 26 બેઠકો પર મતદાન યોજાઇ રહ્યું છે, આજે સવારે પ્રથમ દોઢ કલાકમાં ઝડપી મતદાન થઇ રહ્યું છે. પ્રથમ દોઢ કલાકમાં ગુજરાતના મતદાનમા ઉછાળો આવ્યો છે અને સરેરાશ મતદાનના ટકાવારી 10 ટકાથી વધુનું નોંધાયુ છે. આજે ગુજરાત સહિત દેશભરમાં 12 રાજ્યોની 93 બેઠકો પર મતદાન યોજાઇ રહ્યું છે.
આજે ગુજરાતમાં તમામ 26 બેઠકો પર મતદાન થઇ રહ્યું છે. લોકસભાની ચૂંટણીના મતદાનને પ્રથમ દોઢ કલાક પૂર્ણ થયો છે. પ્રથમ દોઢ કલાકમાં ગુજરાતમાં સરેરાશ 10 ટકા મતદાન થયુ છે. આજે ત્રીજા તબક્કા માટે ગુજરાતની 25 બેઠક માટે મતદાન યોજાઇ રહ્યું છે. ખાસ વાત છે કે, લોકસભાની 26 બેઠકોની સાથે સાથે વિધાનસભાની 5 બેઠકો પર પણ પેટા ચૂંટણી યોજાઇ રહી છે.
23-બારડોલી લોકસભા બેઠક પર 20 લાખથી વધુ મતદારો મતદાન કરશે
સાત વિધાનસભાનો સમાવેશ ધરાવતી 23-બારડોલી લોકસભા બેઠકમાં 20,48,408 મતદારો નોંધાયા છે, જેમાં 10,42,126 પુરુષ મતદારો જ્યારે 10,07,263 સ્ત્રી મતદારો નોંધાયા છે. જેમાં ગામીત, ચૌધરી, વસાવા, હળપતિ, ઢોડિયા, વડવી, કોકણી જેવી આદિવાસી સમાજની વસ્તી લગભગ 65થી 70 ટકા જેટલી છે. સાથે એસ.સી અને અન્ય વર્ગના લોકો આ બેઠકમાં વસે છે. 23 બારડોલી લોકસભા સીટ એ બે જિલ્લામાં વહેંચાયેલી છે. સુરત અને તાપી જિલ્લાનો મત વિસ્તાર બારડોલી લોકસભાને લાગે છે. બારડોલી લોકસભામાં કુલ 7 વિધાનસભાઓની સીટો આવેલી છે. જેમાં સુરત જિલ્લામાં કામરેજ, બારડોલી, માંગરોળ, માંડવી અને મહુવા જ્યારે તાપી જિલ્લામાં વ્યારા અને નિઝર વિધાનસભાની સીટોનો સમાવેશ થાય છે.
.png)
