વિશ્વ યોગ દિવસ : તાપી જીલ્લાની દક્ષીણાપથ વિવિધલક્ષી વિધાલય-વ્યારા ખાતે ઉજવણી કરવામાં આવી

વિશ્વ યોગ દિવસની ઉજવણી તાપી જીલ્લાની દક્ષીણાપથ વિવિધલક્ષી વિધાલય-વ્યારા ખાતે કરવામાં આવી. 

 

ડિસેમ્બર 2014ના રોજ સંયુક્ત રાષ્ટ્ર મહાસભાએ 21મી જૂનના દિવસને ‘વિશ્વ યોગ દિવસ’ જાહેર કર્યો અને 2015થી સમગ્ર વિશ્વમાં આ દિવસની ઉજવણી કરવામાં આવે છે. ‘યોગ’ને ભારતીય સંસ્કૃતિનું એક અંગ ગણવામાં આવે છે અને તેને વિશ્વમાં પ્રસિદ્ધ પણ ભારતે જ કર્યાનું માનવામાં આવે છે. વડાપ્રધાન નરેન્દ્ર મોદી ‘યોગ’ અંગે જાગૃતિ લાવવામાં વધુ રસ લઇ રહ્યાં છે.

ભૂતકાળમાં 10-15 વર્ષ પહેલા યોગને વધુ પ્રચલિત કરવા ખાસ પ્રયત્નો સરકારી રાહે થતા ન હતા, હવે સરકાર વધુ રસ લઇ રહી છે. વ્યારામાં પણ હવે ‘યોગ’ અંગે જાગૃતિ વધી છે. મળતી માહિતી મુજબ શહેરમાં કેટલીક જગ્યાએ યોગના રોજ ક્લાસો, કાર્યક્રમો ચાલે છે. 

વિધાનસભા ૧૭૧ ના ધારસભ્યશ્રી મોહનભાઈ કોકણી,શ્રીમતી સેજલબેન રાણા, તાપી જીલ્લાના કલેકટરશ્રીના હાજરીમાં અહીં યોગ દિવસની ઉજવણી કરવામાં આવી. અહીં શાળાના બાળકો,સરકારી કર્મચારીઑ અને આગેવાનો એકસાથે અંદાજે દોઢ હજાર  જેટલા લોકોએ યોગા કર્યા.