RBI ઈ રૂપિયાને લઈ લોન્ચ કર્યો પાયલટ પ્રોજેક્ટ, જાણો શું છે લેટેસ્ટ અપડેટ

આરબીઆઈની (RBI) ડિજિટલ કરન્સી સીબીડીસીની(CBDC)મંગળવારથી શરૂઆત થઈ ગઈ હતી. પહેલા દિવસે અનેક બેન્કોએ સીબીડીસી વર્ચ્યુઅલ મનીનો ઉપયોગ કરતા સરકારી બોન્ડ સાથે જોડાયેલા આશરે 50 ટ્રાન્ઝેક્શન કર્યા હતા. આ ટ્રાન્ઝેક્શનની કુલ વેલ્યૂ 275 કરોડ રૂપિયા છે.

એસબીઆઈ (SBI), બેન્ક ઓફ બરોડા (Bank of Baroda), આઈસીઆઈસીઆઈ બેન્ક (ICICI Bank) અને આઈડીએફસી બેન્કે (IDFC Bank) સરકારી બોન્ડના સેટલમેન્ટ માટે સીબીડીસીનો સૌપ્રથમવાર ઉપયોગ કર્યો હતો.

આરબીઆઈએ મંગળવારથી પોતાની ડિજિટલ કરન્સી-ડિજિટલ રૂપી (હોલસેલ સેગમેન્ટ)નો પહેલુ પાયલટ પરીક્ષણ શરૂ કર્યું હતું જેમાં, કુલ નવ જેટલી બેન્કોએ ભાગ લીધો હતો. હાલમાં માત્ર હોલસેલ સેગમેન્ટ માટે જ આ સોદાનો ઉપયોગ કરવામાં આવી રહ્યો છે. કેન્દ્ર સરકાર ટૂંક સમયમાં ડિજિટલ રૂપીને રિટેલ સેગમેન્ટ માટે પણ જારી કરશે.

સીબીડીસીના પાયલટ પરીક્ષણમાં ભાગ લેવા માટે ભારતીય સ્ટેટ બેન્ક, બેન્ક ઓફ બરોડા, યૂનિયન બેન્ક ઓફ ઈન્ડિયા, એચડીએફસી બેન્ક, આઈસીઆઈસીઆઈ બેન્ક, કોટક મહિન્દ્રા બેન્ક, યસ બેન્ક, આઈડીએફસી ફર્સ્ટ બેન્ક અને એચએસબીસીને પસંદ કરવામાં આવી હતી.

સીબીડીસીનો મુખ્ય ઉદ્દેશ ડિજિટલ પેમેન્ટને સરળ અને સુરક્ષિત બનાવવાનો છે. e-RUPIને નેશનલ પેમેન્ટ કોર્પોરેશન ઓફ ઈન્ડિયાએ નાણા વિભાગ, આરોગ્ય અને પરિવાર કલ્યાણ મંત્રાલય અને રાષ્ટ્રીય સ્વાસ્થ સત્તામંડળ સાથે મળીને બનાવવામાં આવ્યું છે.

e-RUPIને કેશ અને કોન્ટેક્ટલેસ પેમેન્ટ મોડ પર તૈયાર કરવામાં આવ્યું છે. તે ક્યૂ-આર કોડ અને SMS સ્ટ્રિંગ પર આધારિત છે જે ઈ-વાઉચરના રૂપમાં કામ કરે છે.

આ સર્વિસ અંતર્ગત યૂઝરને પેમેન્ટ કરવા માટે ન તો કાર્ડ, ડિજિટલ પેમેન્ટ એપ અને ન તો ઈન્ટરનેટ બેન્કિંગના એક્સેસની જરૂર રહેશે અને તેથી વધુને વધુ લોકો ડિજિટલ રૂપયાનો ઉપયોગ કરી શક્શે.