ઝુંઝુના જિલ્લાના ઉદયપુરવતીના શહીદ સૈનિક જયસિંહના અંતિમ સંસ્કાર શુક્રવારે કરવામાં આવ્યા હતા. બપોરે 2.30 વાગ્યે શહીદની 7 વર્ષની દીકરી ડોલીએ પાર્થિવ શરીરને અગ્નિદાહ આપ્યો અને પિતાના કપાળે કિસ કરી હતી, ત્યાં હાજર તમામ લોકોના આંસુ છલકાઈ ગયા હતા. માત્ર 11 મહિનામાં ખેડૂત તારાચંદે પોતાના બે સૈનિક પુત્રોને ગુમાવ્યા છે.
અંતિમ સંસ્કાર પહેલા શહીદ જયસિંહની 7 વર્ષની દીકરીને સેના અધિકારીએ તિરંગો સોંપ્યો હતો. પુત્રી સાથે પતિના અંતિમ દર્શન કરવા આવેલી શહીદની પત્ની સોનુની રડી-રડીને હાલત ખરાબ થઈ ગઈ હતી. તેમણે કહ્યું કે, તે તેમની દીકરી ડબ્બૂ (ડોલી)ને પણ ઓફિસર બનાવશે. શહીદ જય સિંહને અંતિમ સલામી આપવા રાજ્યમંત્રી રાજેન્દ્ર ગુઢા પણ પહોંચ્યા હતા.
વહેલી સવારે ગુઢાગૌડજી (ઝુંઝુનુ)થી દુડિયાં ગામ સુધી તિરંગા યાત્રા કાઢવામાં આવી હતી. આ યાત્રા સવારે 9.30 કલાકે ગુઢાગૌડજીથી શહીદના વતન ગામ દુડિયાં જવા નીકળી હતી. જય સિંહને ફિઝિકલ ટ્રેનિંગ દરમિયાન બેંગ્લોરમાં હાર્ટ એટેક આવ્યો હતો. તેમની અંતિમ યાત્રામાં જિલ્લાભરમાંથી બાળકો, વૃદ્ધો, મહિલાઓ અને યુવાનો પણ જોડાયા હતા. જયસિંહ અમર રહે.., ભારત માતા કી જયના નારાથી વિસ્તાર ગુંજી ઉઠ્યો હતો.
શહીદનો પાર્થિવ દેહ તેમના ઘરે પહોંચ્યો ત્યારે ગામમાં માતમ છવાયું હતું. એક પરિવારે પોતાના પુત્રનું બલિદાન આપ્યું છે અને બીજા પરિવારે પોતાના જમાઈનું દેશ માટે બલિદાન આપ્યું છે. બંને શહીદોની પત્નીઓ સગી બહેનો છે.
પુત્રના પાર્થિવ શરીરના અંતિમ દર્શન માટે પિતા પહોંચ્યા ત્યારે તેમની આંખોમાંથી આંસુ રોકાતા ન હતા. પત્ની સોનુ પણ બેભાન થઈ ગઈ. ત્યાં હાજર લોકોની આંખો આંસુઓથી ભરાઈ ગઈ જ્યારે માસૂમ દીકરી પિતાના અંતિમ દર્શન માટે આવી. તેણે પિતાના ગાલને છેલ્લીવાર સ્પર્શ કરતી જોઈ સૌ કોઈ ચોંકી ગયા હતા. શહીદના અંતિમ સંસ્કાર ગામમાં જ સ્મશાનભૂમિમાં કરવામાં આવ્યા હતા.
આ પહેલા પાર્થિવ શરીરને ગુરુવારે સાંજે 6 વાગ્યે જયપુર લાવવામાં આવ્યો હતો. આ પછી રાત્રે 10.30 વાગે રોડ માર્ગે ગુઢાગૌડજી (ઝુંઝુનુ) પોલીસ સ્ટેશન લઈ જવાયો હતો. શહીદને શ્રદ્ધાંજલિ આપવા જાટ રેજિમેન્ટની ટુકડી મોડી રાત્રે ગુઢાગૌરજીમાં પહોંચી હતી.
શહીદ જયસિંહને 106 પેરા (TA) એરબોર્ન બેંગ્લોર સેન્ટરમાં તહેનાત હતા. ગુરુવારે જયસિંહની ફિઝિકલ ટેસ્ટ ચાલી રહ્યો હતો. આ દરમિયાન તે અચાનક બેભાન થઈને ઢળી પડ્યો. તેને બેંગ્લોરની આર્મી હોસ્પિટલમાં લઈ જવામાં આવ્યાા, જ્યાં તેમનું મૃત્યુ થયું હતું. ડોક્ટરે જણાવ્યું કે જવાનનું મોત હાર્ટ એટેકથી થયું છે.
.png)
