બિહારના મુંગેરમાં એક સગીરા પર ગેંગરેપ થયો છે. આ સગીરા ધો.8માં અભ્યાસ કરે છે. તેણે જણાવ્યું હતું કે તેની બહેનપણીના કહેવાથી તે તેની સાથે બે છોકરાના ઘરે ગઈ હતી. એ પછી તેની બહેનપણીના બોયફ્રેન્ડ સહિત 2 છોકરાએ તેની પર રેપ કર્યો છે. આ દરમિયાન તેની બહેનપણી રૂમમાં બેસીને આ બધું જોતી જ રહી હતી. છોકરીએ વધુમાં કહ્યું હતું કે છોકરાએ તેના હાથ પર બ્લેડ મૂકી દીધી અને કહ્યું કે જો રોકીશ તો હાથ કાપી નાખીશ.
આ ઘટના કોતવાલીની છે. આરોપી યુવકે ઘરમાં બોલાવીને સગીરા સાથે રેપ કર્યો છે. આ સિવાય તે અશ્લીલ વીડિયો બનાવીને તેને વાઈરલ કરવાની ધમકી પણ આપી છે. આરોપી પણ પીડિતાના ગામનો જ રહેવાસી છે.
પીડિત વિદ્યાર્થીનીએ આગળ કહ્યું હતું કે મારી એક બહેનપણી ગામમાં રહેતા વોર્ડ કમિશનરના પુત્ર બંટીના ઘરે મને લઈ ગઈ હતી. અહીં ગામનો જ એક યુવક ધીરજ કુમાર મળ્યો. રૂમમાં ઘૂસતાં જ બંટી, મારી બહેનપણી અને ધીરજે રૂમનો દરવાજો અંદરથી બંધ કરી દીધો. ધીરજે મારા હાથ પર બ્લેડ રાખીને ધમકી આપી કે હું જેમ કહું છું એમ કર, નહિતર હાથ કાપી નાખીશ. તેણે મારી સાથે મારઝૂડ પણ કરી.
વીડિયો પણ બનાવવામાં આવ્યો
પીડિતાના જણાવ્યા મુજબ, તેને જબરજસ્તીથી પાણીમાં નશાની દવા પીવડાવીને બેભાન કરવામાં આવી. ભાનમાં આવવા પર મારા શરીર પર કપડાં પણ નહોતાં. વોર્ડ કમિશનરનો પુત્ર બંટી મારો વીડિયો બનાવી રહ્યો હતો. આ ઘટનાની માહિતી મળ્યાના બે દિવસ પછી પરિવારના સભ્યોએ દુષ્કર્મના આરોપીને સખત માર માર્યો.
બે દિવસ પછી પરિવારના સભ્યોએ ઘટસ્ફોટ કર્યો
આ અંગે પરિવારના સભ્યોએ કહ્યું હતું કે ઘટના ગુરુવાર રાતની છે. શુક્રવારે યુવતીને પ્રાઈવેટ પાર્ટમાં દર્દ થવાથી પરિવારના સભ્યોને આ વાતની ખબર પડી. બે દિવસ સુધી ડરને પગલે આ અંગે ઘરમાં વાત કરી નહોતી. મંગળવારે હિંમત કરીને ઘરના સભ્યોને આ બાબતે વાત કરી હતી. આ અંગે કોતવાલી પોલીસ સ્ટેશન ઈન્ચાર્જ ડીકે પાંડેએ કહ્યું હતું કે આ વિસ્તારમાં મારપીટની ઘટના ઘટી હતી. પોલીસ ઘટનાની તપાસ કરી રહી છે. હજી સુધી અરજી મળી નથી.
.png)
