7 મે, 2024ને મંગળવારના રોજ લોકસભાની ચૂંટણીના ત્રીજા તબક્કામાં ગુજરાતમાં 25 સીટ પર મતદાન યોજાયું હતું. જેનું કુલ મતદાન 60.13% નોંધાયું હતું. જેમાં ઉત્તર ગુજરાતની પાંચેય બેઠકો બનાસકાંઠા, પાટણ, મહેસાણા, ગાંધીનગર અને સાબરકાંઠાનું સરેરાશ 62.08 ટકા મતદાન થયું હતું. આટલું ઓછું મતદાન થવા પાછળ અસહ્ય ગરમીએ પણ ભાગ ભજવ્યો હતો. આજે આ મતદાનની ટકાવારી પાંચેય બેઠક પર ભાજપ હેટ્રિક મારશે કે કેટલી બેઠક ગુમાવશે તે તો પરિણામ જાહેર થાય ત્યાર બાદ જ જાણવા મળશે. ઉલ્લેખનીય છે કે, લોકસભાની 2014 અને 2019ની ચૂંટણીમાં સતત ઉત્તર ગુજરાતની પાંચેય બેઠક પર ભગવો લહેરાયો હતો. આ વખતે ક્યાંકને ક્યાંક રાજકીય ઉથલપાથલો ભાજપને કેટલી અસર કરશે તે આજે સાંજ સુધીમાં જાહેર થઈ જશે.
પાટણ લોકસભામાં પ્રથમ રાઉન્ડ પૂર્ણ
પાટણ લોકસભામાં પ્રથમ રાઉન્ડ પૂર્ણ થઈ ચૂક્યું છે. ભાજપ ઉમેદવાર ભરતસિંહ ડાભીને 8408 મત જ્યારે કોંગ્રેસ ઉમેદવાર ચંદનજી ઠાકોરને 9009 મત મળ્યા છે. એટલે કે, ચંદનજી 601 મતથી આગળ છે.
.png)
