વિનાશક ધરતીકંપથી ધ્રૂજી ઉઠ્યું તાઇવાન, ટ્રેન-ઇલેક્ટ્રિસિટી સપ્લાય સહિતની સર્વિસ ઠપ

તાઈવાનમાં 7.2ની તીવ્રતાના ભૂકંપના કારણે મોટા પાયે તબાહી જોવા મળી રહી છે. ભૂકંપના કારણે ઘણી ઊંચી ઈમારતો ધરાશાયી થઈ ગઈ છે, જેના વિડીયો હાલ વાયરલ થઈ રહ્યા છે.

એપ્રિલની શરૂઆત તાઈવાન માટે ખરાબ સમાચાર લઈને આવી છે. 3 એપ્રિલે સ્થાનિક સમય અનુસાર સવારે 8 વાગ્યે તાઇવાનમાં ભૂકંપ આવ્યો હતો, જેની તીવ્રતા રિક્ટર સ્કેલ પર 7.2 માપવામાં આવી હતી.

ઘણી ઇમારતો ધરાશાયી થઈ ગઈ અને રસ્તાઓ પર હાજર લોકો આ ભૂકંપ દરમિયાન પોતાને કાબૂમાં રાખવાનો પ્રયાસ કરતા જોવા મળ્યા. એવું કહેવામાં આવી રહ્યું છે કે 25 વર્ષમાં પહેલીવાર તાઈવાનને આટલી મોટી દુર્ઘટનાનો સામનો કરવો પડ્યો છે. આ કુદરતી ઘટના બાદ સુનામીનો ભય પણ વ્યક્ત કરવામાં આવી રહ્યો છે.

ભૂકંપ બાદ જાપાને તેના દક્ષિણી ટાપુ સમૂહ ઓકિનાવામાં સુનામીની ચેતવણી જારી કરી છે. જાપાનની હવામાન એજન્સીએ તેની આગાહીમાં કહ્યું છે કે સુનામીના કારણે સમુદ્રમાં ત્રણ મીટર (9.8 ફૂટ) ઊંચા મોજા ઉછળી શકે છે.