બિહારમાં નેશનલ ડેમોક્રેટિક એલાયન્સ (NDA)માં સીટો પર સર્વસંમતિ સધાઈ ગઈ છે. BJP, JDU, LJP (R), HAM અને રાષ્ટ્રીય લોક મોરચાએ સોમવારે (18 માર્ચ) તેની સત્તાવાર જાહેરાત કરી હતી.
સમજૂતી મુજબ બિહારની કુલ 40 લોકસભા સીટોમાંથી ભાજપ 17 સીટો પર ચૂંટણી લડશે. એટલે કે તે મોટા ભાઈની ભૂમિકામાં હશે. નીતિશ કુમારની પાર્ટી જનતા દળ યુનાઈટેડ (JDU) 16 બેઠકો પર ચૂંટણી લડશે. ચિરાગ પાસવાનની પાર્ટી એલજેપી (R) 5 સીટો પર ચૂંટણી લડશે. જ્યારે જીતન રામ માંઝીની પાર્ટી એક સીટ પર ચૂંટણી લડશે. એક સીટ ઉપેન્દ્ર કુશવાહાની પાર્ટી રાષ્ટ્રીય લોક મોરચાને આપવામાં આવી છે.
ભાજપ આ 17 બેઠકો પર ચૂંટણી લડશે
પશ્ચિમ ચંપારણ, પૂર્વ ચંપારણ, ઔરંગાબાદ, મધુબની, અરરિયા, દરભંગા, મુઝફ્ફરપુર, મહારાજગંજ, સારણ, ઉજિયારપુર, બેગુસરાઈ, નવાદા, પટના સાહિબ, પાટલીપુત્ર, અરાહ, બક્સર અને સાસારામ.
જેડીયુ આ બેઠકો પર ચૂંટણી લડશે
વાલ્મિકી નગર, સીતામઢી, ઝાંઝરપુર, સુપૌલ, કિશનગંજ, કટિહાર, પૂર્ણિયા, મધેપુરા, ગોપાલગંજ, સિવાન, ભાગલપુર, બાંકા, મુંગેર, નાલંદા, જહાનાબાદ અને શિવહર.
ચિરાગ પાસવાનની પાર્ટીને વૈશાલી, હાજીપુર, સમસ્તીપુર, ખગરિયા અને જમુઈ સીટ આપવામાં આવી છે. જીતન રામ માંઝીની પાર્ટી હમ ગયા સીટ પરથી ચૂંટણી લડશે. જ્યારે કરકટ સીટ ઉપેન્દ્ર કુશવાહાને આપવામાં આવી છે.
.png)
