ખેડૂતોના આંદોલનનું નેતૃત્વ કરી રહેલા ખેડૂત નેતા સરવન સિંહ પંઢેરે માહિતી આપી છે કે, ખેડૂતો હવે 6 માર્ચે દિલ્હી તરફ કૂચ કરશે. ખનૌરી બોર્ડર પર મૃત હાલતમાં મળી આવેલા પંજાબના યુવા ખેડૂત શુભકરણ સિંહની પ્રાર્થનાસભા દરમિયાન મંચ પરથી આ નિર્ણય લેવામાં આવ્યો હતો.
ખેડૂત નેતા સરવન સિંહ પંઢેરે જણાવ્યું હતું કે 10 માર્ચે ખેડૂતો બપોરે 12 વાગ્યાથી સાંજના 4 વાગ્યા સુધી દેશભરમાં રેલવે ટ્રેક પર બેસીને ટ્રેનો રોકશે. તેમણે એમ પણ કહ્યું કે તેઓ પંજાબ સરકાર પાસે માંગ કરશે કે આંદોલન દરમિયાન ઘાયલ થયેલા લોકોના મામલામાં અલગથી એફઆઈઆર દાખલ કરવામાં આવે.
"સરકારે પાકિસ્તાન-ચીન જેવી સરહદ બનાવી": ખેડૂત નેતા સરવન સિંહ પંઢેરે દેશભરના ખેડૂતોને પોત-પોતાના સાધનોથી દિલ્હી માટે કૂચ કરવાની અપીલ કરી છે. ભલે તેઓ ટ્રેનથી આવે અથવા બસ કે ફ્લાઈટ દ્વારા આવે. આ દરમિયાન સરવન સિંહ પંઢેરે સરકાર પર આરોપ લગાવ્યો કે, હરિયાણા-પંજાબ બોર્ડરને પાકિસ્તાન-ચીન બોર્ડર જેવી બનાવી દેવામાં આવી છે. ડ્રોનનો ઉપયોગ કરીને ખેડૂતો પર ટીયર ગેસના શેલ છોડવામાં આવી રહ્યા છે. ખેડૂતોને દિલ્હી જતા રોકવા માટે પંજાબ-હરિયાણાની બોર્ડર પર દિવાલો ઉભી કરવામાં આવી છે.
.png)
