સુરતમાં રાહુલ ગાંધીને થયેલી સજા મુદ્દે જિલ્લા કોંગ્રેસનો કાર્યક્રમ
સુરત કોર્ટે રાહુલ ગાંધીને બધા ચોર મોદી કેમ સંદર્ભની ટિપ્પણી કરવા બદલ દોષિત માનીને 2 વર્ષની સજા કરી છે. જેને લઈને કોંગ્રેસ રાહુલ ગાંધીને થયેલી સજાથી ભાજપ પર ભડક્યું હતું. તાપી જિલ્લા સેવા સદન સામે કોંગ્રેસી નેતાઓએ ધરણા કરી ભાજપ સરકારનુ વિરોધ પ્રદર્શન કર્યું હતું. માજી મંત્રી કેંદ્રિય અને ખેડબ્રહ્માના ધારાસભ્ય ડૉ. તુષાર ચૌધરીએ વ્યારા કલેકટર કચેરીએ ધરણાં કરતા જણાવ્યુ હતુ. વ્યારા કલેકટર કચેરી ખાતે પૂર્વ કેન્દ્ર મંત્રી ડો. તુષારભાઈ ચૌધરી સહિત જિલ્લાના કોંગ્રેસી આગેવાનો અને કાર્યકર્તાઓ ઉપસ્થિત રહ્યા હતા.
ડો.તુષારભાઈએ જણાવ્યું કે રાહુલ ગાંધીને દોષિત ઠેરવવા એ માત્ર કાયદાકિય બાબત નથી, તે લોકશાહી સાથે જોડાયેલ ગંભીર રાજકિય મુદ્દો છે. અમો કોર્ટનાં ચુકાદાનો વિરોધ કરતા નથી પણ રાજકીય દબાણ હેઠળ વિરોધ પક્ષનો અવાજ દબાવવામાં આવે છે તેનો વિરોધ છે. સરકાર વિરૂધ્ધ કોઇ બોલે તો ઇડી, ઇન્કમટેક્ષ, સીબીઆઈ મોકલી તેનો અવાજ દબાવવામાં આવે છે. રાહુલ ગાંધીએ મોદી વિશે કોઇ ટીપ્પણી કરી નથી. રાહુલ ગાંધી ચુંટણી લડી ન શકે, લોકસભાની ચુંટણીનો પ્રચાર ન કરી શકે તેવા પ્રયત્નો કરાઇ રહ્યા છે. રાહુલ ગાંધી ભારત જોડો યાત્રા લઈને નીકળ્યા તેને સફળતા મળી તેનાંથી ભાજપ ગભરાઈ ગઈ છે.
.png)
