ચૂંટણી પંચનો આદેશ, 118 મતદાન કેન્દ્ર પરના EVM તપાસાશે, જુઓ રાજ્યો અને બેઠકોની યાદી

લોકસભા ચૂંટણીમાં કેટલીક બેઠકો પર કથિત ગેરરીતિ થઈ હોવાની અરજીઓ બાદ ચૂંટણી પંચે કડક નિર્દેશો બહાર પાડ્યા છે. મતદાન દરમિયાન ઈવીએમમાં ગડબડ કરાઈ હોવાની આઠ ફરિયાદો સામે આવ્યા બાદ ચૂંટણી પંચે 92 મતદાન કેન્દ્ર પરના ઈવીએમની તપાસ કરવાના આદેશ આપી દીધા છે.

આ છ રાજ્યોની આઠ બેઠક પરના EVM ચકાસાશે

મળતા અહેવાલો મુજબ ચૂંટણી પંચને છ રાજ્યોની આઠ લોકસભા બેઠકોની ચૂંટણી દરમિયાન ઈવીએમમાં ગેરરીતિ થઈ હોવાની ફરિયાદ મળી છે. આ આઠ બેઠકોમાં હરિયાણા (Haryana) અને તમિલનાડુ (Tamil Nadu)ની બે-બે બેઠકો સામેલ છે. જ્યારે છત્તીસગઢ (Chhattisgarh), મહારાષ્ટ્ર (Maharashtra), તેલંગાણા (Telangana) અને આંધ્રપ્રદેશ (Andhra Pradesh)ની એક-એક બેઠક સામેલ છે.

92 મતદાન કેન્દ્ર પરના ઈવીએમની તપાસ કરાશે

ચૂંટણી પંચ દ્વારા જણાવાયું છે કે, લોકસભા ચૂંટણી-2024માં ઈવીએમમાં ગેરરીતિ થઈ હોવાની આઠ ફરિયાદો મલી છે, જેમાં ઈવીએમની મેમરી અને માઈક્રો કંટ્રોલરની તપાસ કરવાની માંગ કરવામાં આવી છે. ચૂંટણી પંચ હવે આ આઠ બેઠકો પરના 92 મતદાન કેન્દ્ર પર ઉપયોગમાં લેવાયેલા ઈવીએમની તપાસ કરશે.