TMCએ રવિવારે પશ્ચિમ બંગાળની તમામ 42 લોકસભા બેઠકો માટે ઉમેદવારોની યાદી જાહેર કરી. આ યાદીમાં આઠ વર્તમાન સાંસદોના નામ યાદીમાં નથી. ભૂતપૂર્વ ક્રિકેટર યુસુફ પઠાણ અને કીર્તિ આઝાદ જેવા ઘણા નવા ચહેરાઓને સામેલ કરવામાં આવ્યા છે. પાર્ટીએ ફરી 16 વર્તમાન સાંસદોને ટિકિટ આપી છે. 12 મહિલાઓને મેદાનમાં ઉતારવામાં આવી છે.
ક્રિકેટર યુસુફ પઠાણ બહેરામપુર લોકસભા સીટથી જ્યારે કીર્તિ આઝાદ બર્ધમાન-દુર્ગાપુર સીટ પરથી ચૂંટણી લડશે. બસીરહાટ લોકસભા બેઠક પરથી,જેમાં સંદેશખાલીનો સમાવેશ થાય છે ત્યાંથી ટીએમસીએ વર્તમાન સાંસદ નુસરત જહાંની જગ્યાએ તેના ભૂતપૂર્વ સાંસદ હાજી નુરુલ ઈસ્લામને મેદાનમાં ઉતાર્યા છે. TMCએ કૃષ્ણનગર સીટ પરથી લોકસભામાંથી બરતરફ કરાયેલા સાંસદ મહુઆ મોઇત્રાને સતત બીજી વખત ફરીથી ઉમેદવાર બનાવ્યા છે.
કોલકાતાના બ્રિગેડ પારાદા મેદાન ખાતે યોજાયેલી ટીએમસીની મેગા રેલીમાં આ સૂચિની જાહેરાત કરવામાં આવી હતી, જ્યાં પશ્ચિમ બંગાળના મુખ્ય પ્રધાન મમતા બેનર્જીએ કહ્યું હતું કે પાર્ટી રાજ્યની તમામ 42 બેઠકો પર એકલા લોકસભા ચૂંટણી લડશે.
.png)
