વ્યારા સુગરમાં મુકાયેલું મશીનમાં પડી જતા ઓપરેટરનું મોત

• જીવ ગુમાવનાર આધેડ મૂળ સોનગઢ તાલુકાના આમલગુડી ગામના વતની
• વ્યારા સુગરમાં મુકાયેલું મશીન જેમાં પડી જતાઘવાયેલા ઓપરેટરે જીવ ગુમાવવો પડ્યો હતો

વ્યારા નગર નજીક આવેલી ઉકાઈ પ્રદેશ સહકારી ઉદ્યોગ મંડળી લિમિટેડ ખુશાલપુરામાં કામ કરતા એક ઓપરેટરચક્કર આવવાથી કે કોઈ કારણસર આકસ્મિકરીતે ઇન્ટરેક્ટ કેરિયર મશીનમાં પડતા મશીનની અંદર કચરાઈ જતા 57 વર્ષીય ઓપરેટરનું કમકમાટી ભર્યું મોત નીપજ્યું હતું. બનાવને લઈને વ્યારા આકસ્મિક મોતનો ગુનો નોંધી વધુ તપાસ હાથ ધરી છે. વ્યારા તાલુકાના ખુશાલપુરા ગામની સીમમાં કાર્યરત ઉકાઈ પ્રદેશ સહકારી ખાણ ઉદ્યોગ મંડળીહાલ કાર્યરત છે. જેમાં રતનજીભાઈ છગનભાઈ ગામીત (ઉંમર 57 રહે અમલગુડીરોણી ફળિયું તા.સોનગઢ) જેવો મશીન ઓપરેટર તરીકે કામગીરી કરતા હતા. ગત 21મીના રોજ 10.30 કલાકે રતનજીભાઈ રાબેતા મુજબ મશીન પાસે કામગીરી કરી રહ્યા હતા. તે દરમિયાન ઇન્ટરેસ્ટ કેરિયર મશીન ઉપર કામ કરતી વેળાએ અચાનક ચક્કર આવવાથી અથવા તો કોઈ કારણસર મશીનમાં પડી જતા મશીનની અંદર શરીર જેટલા તેમનું ઘટના સ્થળે કરુણ મોત નીપજ્યું હતું. જે બનાવ અંગેસાથી ઓપરેટર દિનેશભાઈ ચૌધરીએ વ્યારા પોલીસમાં જાણ કરાઇ હતી.