ટેલ્સા બાદ વધુ એક કંપની ગુજરાતમાં ઇલેક્ટ્રિક કારનો પ્લાન્ટ સ્થાપશે, સુરેન્દ્રનગર નજીક જમીનની પસંદગી કરી

• કંપની પ્લાન્ટ માટે કચ્છ, ધોલેરા ઉપરાંત અન્ય સ્થળોએ નજર નાંખી હતી પણ હવે આખરે સુરેન્દ્રનગર નજીક કાર પ્લાન્ટ માટે જમીનની પસંદગી કરવામાં આવી છે.

ટેસ્લા બાદ હવે વધુ એક કંપની ગુજરાતમાં ઈવી કાર અને બેટરી પ્લાન્ટ સ્થાપવાની તૈયારીમાં છે. વાઈબ્રન્ટ સમિટ-2024માં મારુતિ સુઝુકી કાર પ્લાન્ટ સ્થાપવા અંગે ગુજરાત સરકાર સાથે એમઓયુ કરી શકે છે. નોંધનીય છે કે, મારુતિનો એક પ્લાન્ટ હાંસલપુરમાં કાર્યરત છે જ ત્યારે હવે બીજો પ્લાન્ટ સ્થપાવની જાહેરાત કરી શકે છે.

હારમાં ગુજરાતમાં એક પ્લાન્ટ હોવા છતાં મારુતિ પાસે ત્રણ લાખથી વધુ કારનો બેકલોગ પડ્યો છે. ગુજરાત સમાચારના અહેવાલ અનુસાર મારુતિ સુઝુકી પોતાનો કાર બિઝનેસ વિસ્તારવા માગે ચે જેના ભાગરૂપે ગુજરાતમાં જ વધુ એક કાર પ્લાન્ટ નાંખવાનું નક્કી કર્યું છે. મારુતિ સુઝુકીના અધિકારોને ટાંકીને જણાવ્યું છે કે, કંપની પ્લાન્ટ માટે કચ્છ, ધોલેરા ઉપરાંત અન્ય સ્થળોએ નજર નાંખી હતી પણ હવે આખરે સુરેન્દ્રનગર નજીક કાર પ્લાન્ટ માટે જમીનની પસંદગી કરવામાં આવી છે. છેલ્લા કેટલાંય દિવસતી મારૂતિ સુઝુકી અને ઉદ્યોગ વિભાગના અધિકારીઓ વચ્ચે વાટાઘાટો ચાલી રહી છે. હવે વાઈબ્રન્ટ 2024માં તેના ઈવી કાર પ્લાન્ટની સત્તાવાર જાહેરાત કરશે અને સરકાર સાથે એમઓયુ કરશે. નોંધનીય ચે કે, મારુતિ દર વર્ષે 10 લાખ કાર બનાવવાનો ટાર્ગેટ રાખે છે. સૂત્રો અનુસાર કંપની વધુ એક કાર પ્લાન્ટને લઈને રોજગારીના અનેક અવસર ઉભા થશે. ટાટા, મારુતિ, ઉપરાંત ટેસ્લાનું પણ આગમન નક્કી છે તે જોતા ગુજરાત આગામી દિવોમાં ઓટો હબ સ્ટેટ બની રહેશે તે નક્કી છે.

ટેસ્લા ભારતમાં આવતા વર્ષે જાન્યુઆરીમાં જ લોન્ચ થઈ શકે છે. અહેવાલોમાં દાવો કરવામાં આવ્યો છે કે વિશ્વની સૌથી મોટી ઇલેક્ટ્રિક વાહન ઉત્પાદક કંપની ગાંધીનગરમાં યોજાનારી વાઇબ્રન્ટ ગુજરાત સમિટ 2024 દરમિયાન જાન્યુઆરીમાં ભારતમાં તેના પ્રવેશની જાહેરાત કરી શકે છે.

આ સમિટ રાજ્યમાં રસ ધરાવતા રોકાણકારોની વાર્ષિક વૈશ્વિક પરિષદની 10મી આવૃત્તિ હશે. ટેસ્લાના CEO અને સ્થાપક એલોન મસ્ક ભારતમાં EV ઉત્પાદકની એન્ટ્રીની જાહેરાત કરવા માટે હાજર રહી શકે છે. રાજ્યમાં અનેક મીડિયા સંસ્થાઓના અહેવાલો અનુસાર, EV નિર્માતા તેના ઉત્પાદન પ્લાન્ટ સ્થાપવા માટે જમીન માટે સરકાર સાથે વાટાઘાટોના અંતિમ તબક્કામાં છે.

આ વર્ષની શરૂઆતમાં વડાપ્રધાન નરેન્દ્ર મોદીની યુ.એસ.ની મુલાકાત દરમિયાન એલોન મસ્કને મળ્યા બાદ ટેસ્લાએ અગાઉ સંકેત આપ્યો હતો કે તે ભારતમાં રોકાણ યોજનાઓ પર પુનર્વિચાર કરી રહી છે. ટેસ્લાએ લગભગ એક વર્ષ પહેલા ભારતમાં ઊંચી આયાત શુલ્કને કારણે ભારતમાં રોકાણ ન કરવાનો નિર્ણય લીધો હતો. અને હવે યુએસ સ્થિત EV ઉત્પાદક આ અભિગમમાં ફેરફાર જોઈ રહ્યા છે. હાલમાં જ કેન્દ્રીય મંત્રી પીયૂષ ગોયલે પણ અમેરિકામાં ટેસ્લા પ્લાન્ટની મુલાકાત લીધી હતી.