'મહારાષ્ટ્રમાં જે પણ કાંઇ થઇ રહ્યુ છે તેની પાછળ ભાજપનો હાથ, પવારનું અપમાન સહન નહી કરીએ': સંજય રાઉત

 

મહારાષ્ટ્રમાં ઉદ્ધવ ઠાકરે સરકારને તેમના જ ધારાસભ્યોએ મોટો ઝટકો આપ્યો છે.

સંજય રાઉતે કહ્યું- ભાજપ શરદ પવારનું અપમાન કેમ કરી રહ્યો છે.

મહારાષ્ટ્રમાં ચાલી રહેલા રાજકીય સંકટ વચ્ચે શિવસેનાના નેતા સંજય રાઉતે શુક્રવારે ભાજપ પર જોરદાર પ્રહારો કર્યા છે. ભાજપ શા માટે એનસીપી ચીફ શરદ પવારનું અપમાન કરી રહ્યું છે? તેમણે કહ્યું કે પવારનું અપમાન સહન કરવામાં આવશે નહીં. શિવસેનાના નેતાએ વધુમાં કહ્યું કે અમારા 12 ધારાસભ્યોએ બળવો કર્યો છે, તેમની સામે કાર્યવાહીની પ્રક્રિયા ચાલી રહી છે. આ સાથે રાઉતે કહ્યું કે સરકાર ક્યારે બનશે, બનશે કે નહીં, મને ખબર નથી. સંજય રાઉતે કહ્યું કે હવે કાયદાની લડાઈ થશે. કાગળ પર સંખ્યા બળ વધારે હોઈ શકે છે.

બળવાખોર ધારાસભ્યએ કહ્યું-  શિવસેનાને ખતમ કરવાના પ્રયાસો થઈ રહ્યા છે

ગુવાહાટી હોટલમાં એકનાથ શિંદ સાથે હાજર રહેલા શિવસેનાના બળવાખોર ધારાસભ્ય સંજય શિરસાટે કહ્યું કે કોંગ્રેસ અને એનસીપી દ્વારા શિવસેનાને બરબાદ કરવામાં આવી રહી છે. તેમણે કહ્યું- અગાઉ ઘણી વખત ધારાસભ્યોએ ઉદ્ધવજીને કહ્યું હતું કે કોંગ્રેસ હોય કે એનસીપી, બંને શિવસેનાને ખતમ કરવાનો પ્રયાસ કરી રહ્યા છે. ઘણી વખત ધારાસભ્યોએ ઉદ્ધવજીને મળવા માટે સમય માંગ્યો હતો પરંતુ તેઓ ક્યારેય મળ્યા નથી.

ઉદ્ધવ ઠાકરેને મોટો આંચકો

મહારાષ્ટ્રમાં પહેલેથી જ કટોકટીનો સામનો કરી રહેલી ઉદ્ધવ ઠાકરે સરકારને વધુ એક મોટો ઝટકો લાગ્યો છે.  કહેવામાં આવ્યું છે કે પાર્ટીના વધુ ચાર ધારાસભ્યો ગુવાહાટી પહોંચી ગયા છે. જેઓ શિંદે જૂથમાં જોડાયા છે. આ સિવાય શિવસેનાના વધુ 3 ધારાસભ્યો અને 5 અન્ય અપક્ષ ધારાસભ્યો ટૂંક સમયમાં શિંદે કેમ્પમાં જોડાઈ શકે છે.