સેમીફાઈનલ માટે ભારતનો દાવો મજબૂતઃ મહિલા વર્લ્ડ કપમાં બાંગ્લાદેશને 110 રનથી હરાવ્યું, ટીમ ઈન્ડિયા પોઈન્ટ ટેબલમાં ત્રીજા નંબરે પહોંચી

 

મહિલા વર્લ્ડ કપની 22મી મેચમાં ભારતે બાંગ્લાદેશને 110 રને હરાવ્યું હતું. બાંગ્લાદેશને 230 રનનો ટાર્ગેટ મળ્યો હતો જેના જવાબમાં ટીમ 119 રનમાં ઓલઆઉટ થઈ ગઈ હતી. સલમા ખાતૂન (32) સૌથી વધુ સ્કોરર રહી હતી. ભારત તરફથી સ્નેહ રાણાએ 4 વિકેટ ઝડપી હતી. ઝુલન ગોસ્વામી અને પૂજા વસ્ત્રાકરે 2-2 વિકેટ લીધી હતી.

સેમિફાઇનલ માટે ભારતનો દાવો મજબૂત

બાંગ્લાદેશ સામે ટીમ ઈન્ડિયાની આ સતત 5મી જીત છે. આ જીત સાથે ભારત મહિલા વર્લ્ડ કપ પોઈન્ટ ટેબલમાં 6 પોઈન્ટ સાથે ત્રીજા સ્થાને પહોંચી ગયું છે. હવે ભારતે 27 માર્ચે દક્ષિણ આફ્રિકા સામે તેની એકમાત્ર મેચ રમવાની છે. આ સાથે ભારતીય ટીમે સેમીફાઈનલનો દાવો મજબૂત કર્યો છે.

બાંગ્લાદેશની બેટિંગ નિરાશ થઈ

લક્ષ્યનો પીછો કરતા BANની શરૂઆત ખરાબ રહી હતી અને છઠ્ઠી ઓવરમાં શર્મિન અખ્તર 5 રન બનાવીને રાજેશ્વરી ગાયકવાડના હાથે આઉટ થઈ ગઈ હતી. શર્મિનનો કેચ પ્રથમ સ્લિપમાં સ્નેહ રાણાએ પકડ્યો હતો. ભારતની બીજી સફળતા પૂજા વસ્ત્રાકર દ્વારા ફરગાના હોક (0)ને LBW આપવામાં આવી હતી. ટીમ ઈન્ડિયાને આ વિકેટ રિવ્યુ પર મળી હતી. વાસ્તવમાં, અમ્પાયરે ફરગાનાને નોટઆઉટ આપ્યો, ત્યારબાદ ભારતીય કેપ્ટન મિતાલી રાજે DRSની માંગ કરી. રિપ્લેમાં જોવા મળ્યું કે બોલ લેગ સ્ટમ્પને અથડાતો હતો.

 

બાંગ્લાદેશની ત્રીજી વિકેટ 28ના સ્કોર પર પડી હતી. કેપ્ટન નિગાર સુલ્તાના 11 બોલમાં 3 રન બનાવીને સ્નેહા રાણાના હાથે આઉટ થઈ ગઈ હતી. મિડ ઓન પર હરમનપ્રીત કૌરે તેનો કેચ પકડ્યો હતો. ઓપનર મુર્શિદા ખાતૂને 54 બોલમાં 19 રન બનાવ્યા હતા અને પૂનમ યાદવે તેને આઉટ કર્યો હતો. મુર્શીદાનો કેચ પણ હરમને પકડ્યો હતો.

 

બીજી જ ઓવરમાં સ્નેહ રાણાએ રૂમાના અહેમદ (2)ને આઉટ કરીને ભારતને 5મી સફળતા અપાવી હતી. રુમાનાનો કેચ યાસ્તિકા ભાટિયાએ શોર્ટ લેગ પર પકડ્યો હતો. છઠ્ઠી વિકેટ માટે સલમા ખાતૂન અને લતા મંડલે 62 બોલમાં 40 રન જોડીને બાંગ્લાદેશી દાવને આગળ ધપાવ્યો હતો. ઝુલન ગોસ્વામીએ સલમા (32)ને આઉટ કરીને આ જોડી પર બ્રેક મારી હતી.

 

લતા મંડલ 24 રને પૂજા વસ્ત્રાકર દ્વારા આઉટ થઈ ગઈ હતી. સ્નેહ રાણાએ મેચમાં પોતાની ત્રીજી વિકેટ ફહિમા ખાતૂન (1)ને એલબીડબ્લ્યૂ કરી હતી. સ્નેહે આગલી ઓવરમાં નાહિદા અખ્તર (0)ને આઉટ કરીને મેદાનની બહારનો રસ્તો બતાવ્યો હતો.

બાંગ્લાદેશે તેની ઇનિંગ્સના પ્રથમ ચાર 76 બોલ પછી ફટકાર્યા હતા.

ફરગાના હોક 7મી વખત વનડેમાં શૂન્ય પર આઉટ થઈ હતી.

બાંગ્લાદેશની અડધી ટીમ 35ના સ્કોર પર પેવેલિયન પરત ફરી હતી.

ભારતે 7 વિકેટે 229 રન બનાવ્યા હતા.